陳志雲親解TVB門外影相之謎　自爆曾向商台辭職

現年67歲的陳志雲早前在商台節目《在晴朗的一天出發》中倒數，同時商台宣布將有新主持加入，加上他在社交平台分享在TVB電視城門外拍照，令人猜測他是否離開商台，重返TVB接替離任的總經理曾志偉。日前商台公布節目改革及調動，陳志雲將與前立法會議員江玉歡主持晚間節目《又係時候同一天講再見》，取代由陶傑等主持的長壽論政節目《光明頂》。

陳志雲今日（1月14日）在社交平台發文：「『再見』兩個字原來可以好敏感。商業電台雷霆 881〈講再見〉宣傳錄音播出之後，引來嘅反應超出預期。再見』呢兩個字原來可以咁敏感。甚至喺同事之間，包括新聞部嘅同事、903嘅DJ朋友，向我身邊嘅人打探真相。喺一般情況下，一個主持調離一個節目、辭退職位，又點會有倒數宣傳呢？但係今日媒體生態，事情就係可以咁發生。一個猜測會引發另一個猜測，形成一個可以持續好耐嘅循環。」

陳志雲親解TVB門外影相之謎：「後續嘅teaser promo，引發嘅話題變得更多樣化。有人問係唔係江玉歡接替我做《晴朗》？離開商業電台準備回歸TVB？恰巧碰上曾志偉1月4號離巢，傳聞不脛而走。1月9號星期五，在將軍澳見完客之後途經TVB，忽發奇想，影相留念，貼文一出，反應更大。有些最少10年以來都冇接觸過我嘅人恭喜我、問候我。亦有人批評我：『你唔係話商台對你好好，你唔會離開嘅咩？點解又要食回頭草啊？』。」

最後，陳志雲更直認曾向商台辭職：「我係咪真係冇諗過離開商台呢？講老實話，係有嘅。仲試過辭職㖭。究竟發生咗乜嘢事呢？最後點解又留低呢？遲啲繼續同大家傾落去。」