吳嘉禧張紋嘉爆女團辛酸史　VIVA聽到眼濕濕

英皇女團VIVA為慶祝成軍1周年展開「女團聯乘企劃」，繼頭炮請來As One的陳葦璇後，網民也許願希望VIVA跟Super Girls及HotCha聯乘，結果願望成真，功邀得Super Girls成員Cheronna（吳嘉禧）及HotCha的Crystal（張紋嘉）合作。

Cheronna與Crystal講起當年女團辛酸史，VIVA一邊聽一邊眼濕濕，場面催淚又熱血。VIVA成員Carina好奇問Cheronna當年組團經過，她回答說：「有個電視台想組合一班女仔一齊，一個暑假嘅時間，我就去學唱歌跳舞，training期間已經走咗兩、三個人，好彩我都幾有信心佢哋唔會踢我走，哈哈。」講到女團成員間的摩擦，Cheronna笑言：「我哋五個性格完全唔同，今日你退一步，聽日就輪到佢退一步咁囉！」至於最終的解決方法，Cheronna笑謂：「打千字文！通常都係理性…咁鬧交！」

Cheronna談到女團最印象深刻的表演即時哽咽：「3日內要學識隻舞，仲要着尖頭高踭鞋跳踢躂舞！Yanny跳到腳趾流血，佢望住天花啲管同自己講：『不如啲管快啲跌落嚟插死我啦！』」佢喊住話：「見到佢隻腳咁樣，我好心痛！但呢啲辛苦Moment反而係人生最光輝嘅時間。依家我哋有啲已經係媽咪、人妻，睇番你哋真係好感動。」

Crystal先分享「HotCha」隊名由來笑說：「係我哋自己改㗎，本身想叫Hot Chocolate，但驚畀人叫Pork Chop（豬扒）。HotCha係解狂熱分子，我哋就係HotCha Of Dance！」回想最辛苦時期她指會是一個月只得兩日假期，平時早上要輪流化妝，屋企人也見不到。問到以前和現在的女團也甚麼不同之處，Crystal直言：「依家Social Media量化咗你哋嘅成績，幾多人睇過MV、幾多人Follow，我哋就冇呢啲壓力，但相對嚟講，其實我哋亦都唔知道自己做出嚟嘅成績，係咪受歡迎？係咪有人鍾意？」

Crystal指組團期間最深刻的時刻是HotCha成團記者會：「一齊嗌Good Show，呢個Group Show唔係做完場呢場Show就完，係一個我哋要開始呢個Journey，真係一個我都會打冷震嘅『Good Show』我依家仲留咗嗰套衫。」訪問期間VIVA成員已經忍不住喊：「你講緊嘅就係我哋依家嘅感受！」Crystal則很溫暖地說：「同你哋一齊唱你哋嘅新歌，好想你哋真可以做到歌詞嘅嘢，可以一齊去睇呢個世界，去到最尾，呢件係幸福嘅事。」

東網網站 : https://on.cc/東網Facebook專頁 : https://www.facebook.com/onccnews/