佘詩曼傳獲高人指點　為助母抗病租半山豪宅

現年50歲的佘詩曼近年憑TVB劇集《新聞女王》系列紅透中港兩地，接拍不少廣告，吸金力非常強勁。有報道指阿佘手持多個香港物業，市值過億元，有玄學高人指半山某屋苑風水極佳，或可幫助佘媽媽抗病，因此阿佘不惜年花近200萬元租金，與媽媽搬入該半山豪宅。

據報阿佘早年將西貢相連獨立屋的其中一棟送給媽媽，但佘媽近年患上惡疾，阿佘除了四出尋找良方，亦在一位玄學高人的指點下，毅然決定搬家。由自己位於西貢的獨立屋，搬到中半山一個風水極佳的老牌豪宅屋苑。阿佘入住的單位據報月租逾16萬，該處的風水不單有助於母親對抗病魔，更能催旺佘詩曼自身的運勢。該屋苑有陳豪、Tyson Yoshi（程浚彥）等圈中人入住。

阿佘早前與家人同遊泰國，新年期間亦四出拜年，近日她在社交平為分享與周潤發的合照，寫道：「人生第一張同發哥嘅Selfie！！記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕羞喎，但係又忍唔住細細聲叫咗一聲：『發哥呀！』又記得有一次，接到藝員部高層個電話，叫我第二日去訓練班上堂，我仲拗晒頭話：『吓，上堂？我要開工喎！』我仲記得佢話：『去啦，夾晒你啲時間㗎喇。』我心諗……無啦啦上乜鬼堂呀……攰到死……第二日死死地氣，因為未上過訓練班，仲行錯晒路。」

阿佘透露發哥當年有看她主演的劇集：「入到課室，梗係全部人都唔識啦，勁尷尬，求其搵咗個位坐低。張凳都未坐暖，我又『彈』喇！因為原來嗰堂係發哥親自教學！Ben Chan知道我偶像係發哥，所以專登叫埋我去聽嘅～（明醒我）嗰陣大概係2000年，我好記得，發哥話知道我係邊個，因為佢睇咗《十月初五的月光》，嗰刻雖然我外表表現得好平靜（話晒喺好多訓練班同學仔面前），但係其實我內心已經放晒煙花。作為小粉絲嘅我，雖然未有機會合作，但係合影都勁浪漫，超溫馨！」。