姜濤親述墮海經過 談身體及情緒狀况 認曾服止痛藥

姜濤發生墮海事件後首度公開現身，繼今天傍晚出席MIRROR小組活動後，晚上10點20分到機場，乘搭凌晨機飛法國出席巴黎時裝周。他於上機前會晤傳媒5分鐘，交代意外經過，現場企滿幾百粉絲舉燈牌送機，他亦有走近粉絲堆揮手。

姜濤先交代身體狀况：「冇事，醫生已經幫我檢查過，一切安好，唔使擔心。」他稱醫生批准他出埠工作，自己也衡量過身體沒大礙，只是被救起時手部割傷少少，今天如常工作。

被問為何這麼快復工，他表示公司原本想讓他休息，但他知道外間有好多猜測及傳言，若果他不出來，恐怕謠言四起：「我意願想走出嚟，話畀大家知我冇事。」

談到墮海事發經過，姜濤先多謝大家關心，強調只是小意外，他說：「尋日純粹係一個意外，因為自己喺跑步時，想坐喺海邊，天氣好好，想坐喺海邊睇夕陽，自己呢排有少少唔舒服，想做下運動出汗，但做咗唔好示範，跨咗欄杆出面，平時見有人喺欄杆出面釣魚Chill下，自己都想放鬆，但我起身諗住返去時，有少少暈，就跌咗落去（海），所以都係意外嘅嘢。（第一次跨這個欄？）今次係第一次，亦係最後一次，希望大家唔好喇，欄杆係有佢功效。」

有傳事發前姜濤曾飲酒和吃藥，他認有其事：「我食咗少少止痛藥，因為頭好痛，亦都飲咗少少酒，我諗唔係最大因素，最大因素係我唔小心。（有情緒問題？）情緒冇事，我諗大家太擔心我，朋友、粉絲不嬲都擔心我。」姜濤否認借酒消愁：「我好少會咁樣，我唔會用呢啲方法消愁。」

姜濤表示本身懂游泳，但太久沒游，加上事出突然，跌落海後才有意識，所以有點慌張 ，他多謝所有協助救起他上岸的人 ：「呢件事我都好抱歉，呢件事佔用咗好多公眾資源，所以大家唔使擔心。」 他承認也嚇壞父母，事發返家立即跟他們解釋事件始末。

MIRROR士多啤梨組分享會臨時取消遊戲環節，僅跟Fans合照，並在7月29日補辦，姜濤解釋公司不願幾位藝人太辛苦，但他與盧瀚霆、呂爵安和李駿傑又覺得，既然去到麥花臣場館，不想粉絲失望，決定無論如何都跟粉絲見面，另擇日子舉行活動。問他有沒有需要放大假？他說：「公司已經畀我放咗假，多謝。」

（即時娛樂）