根據德國圖片報消息，金玟哉搬去德國慕尼黑嗰陣，最鍾意嘅電飯煲竟然被人偷走

根據德國傳媒圖片報消息，拜仁中堅金玟哉去到德國要適應新文化同生活，更加慘嘅係金玟哉嚟到慕尼黑搬屋嗰陣，佢自己最鍾意嘅電飯煲竟然被人偷走🫠

消息指金玟哉搬屋嗰陣，所有日用品都已經運送去到慕尼黑新屋企門口。而係落貨嗰陣，金玟哉將電飯煲放喺新屋企門口嘅行人路，當時金玟哉搬緊另一個箱入去屋企。而當金玟哉準備搬電飯煲嗰陣，呢位韓國🇰🇷中堅電飯煲唔見咗，有個路人拎走咗個電飯煲🙃

消息又指電飯煲對金玟哉好重要，尤其係呢個電飯煲係金玟哉由韓國帶過嚟，好彩金玟哉經理人之後由韓國帶個新電飯煲比佢，金玟哉可以好開心食飯啦☺️