路易斯迪亞斯爸爸：我一直相信迪亞斯對住巴西會有入波，迪亞斯的確係巴塞球迷，效力巴塞係佢嘅夢想

路易斯迪亞斯爸爸接受訪問就話「我有信心迪亞斯對住巴西會有入波，因為呢樣係迪亞斯對哥倫比亞人民感激，亦都係對上帝感激🥹。」

講到迪亞斯同巴塞傳出轉會傳聞，迪亞斯爸爸「我哋係網上睇到好多消息，但暫時嚟睇，迪亞斯無同我講任何關於巴塞嘅事。不過，迪亞斯的確係巴塞球迷，效力巴塞係佢嘅夢想😎。」

迪亞斯爸爸最後就話「我哋都想多謝波圖同利物浦對迪亞斯照顧同歡迎，迪亞斯份人好有原則，如果有機會加盟巴塞，我覺得佢會無咩問題，因為佢都係世界上其中一位最好球員🥰。」