肥媽回應超高票價演唱會延期原因　原來不關票房事

肥媽(Maria Cordero)早前宣佈今個月中會在英國倫敦舉行三場演唱會，8月11日及12日在威斯敏斯特中央大廳舉行的票價為最貴328英鎊，8月14日的慈善晚宴門票更高達428英鎊，比國際巨星Taylor Swift的演唱會門票更貴。不過，早前肥媽就突然宣佈演唱會延期至明年，未有確實日期。有網民就懷疑延期是因為票房不理想，不過肥媽終於公開解畫。

早前宣佈延期，已售出的門票將會全額退款。而早日前肥媽出席TVB節目《大笪地唱不停》錄影時，就接受娛樂新聞台訪問，提到延期原來因為和《中年好聲音2》的錄影時間撞期：「其實公司對我好好喇，已經延遲咗一個禮拜。」肥媽表示本來一落機就要拍《中年好聲音》，公司亦提議可以一邊拍一邊開show。不過肥媽就拒絕：「我話唔得，因為我哋一拍《中年好聲音》起碼半年，半年有多，呢個節目對我嚟講都好緊要㗎，真係好緊要……冇辦法喇，2024啦，2024同大家見面！」