疑背謝文欣偷食人母！《愛回家》謝可逸：唔需要澄清

喺無綫處境劇《愛・回家之開心速遞》中飾演Tyson及喺現在熱播嘅《使徒行者3》飾演周文鼎嘅34歲謝可逸，被爆背住28歲嘅女友「長腿歌手」謝文欣偷食失婚CEO人母Jathy，更被指搞出人命奉子成婚！

謝可逸被指多次背女友偷食，今年初更搭上失婚1年嘅Jathy，謝文欣一直唔知情。謝可逸更被影得與Jathy及其一對仔女四人行享受家庭樂，Jathy更以「爹哋」稱呼謝可逸，似足一家人。有指Jathy與兩任前夫分別育有一子一女，現租住山頂獨立屋，謝可逸有意與Jathy結婚，但家人因Jathy曾失婚，而極力反對！

謝可逸接受東網訪問表示：「冇回應！（唔使幫自己澄清吓？）唔需要澄清，自己知道發生緊乜嘢事，總之唔係佢哋講到咁樣！」之後表示現工作中，匆匆收線！

而謝文欣表示二人已分手：「其實今年年頭已經分開咗，都拍咗一段時間嘅，主要原因都係因為大家少見咗，亦都可能係因為疫情嘅關係等等，多咗時間去令大家諗番段關係嘅將來，我哋互相傾過係有共識嘅，係和平分手，其他人嘅私人事，就唔特別去comment啦，多謝關心。」

東網網站 : https://on.cc/

東網Facebook專頁 : https://www.facebook.com/onccnews/