【殺入美國】《作家的謊言》成芝加哥影展閉幕片！張建聲：「希望開續集！」

向西村上春樹之向西三部曲最終章《作家的謊言：筆忠誘罪》雖然上畫前後遇著香港最難過的時期，但開畫以來贏盡各大小影評、電影人及網民好評，近日更傳來好消息，《作家》獲邀成為美國芝加哥「亞洲躍動電影展」( ASIAN POP-UP CINEMA ) 第9季閉幕電影，男主角兼監製張建聲 ( Justin ) 及導演兼監製孫立基會在10月一同赴美出席影展。

芝加哥「亞洲躍動電影展」( ASIAN POP-UP CINEMA )上季揀選了黃秋生主演的《淪落人》播映，今次《作家》能成為閉幕片，對團隊而言實在非常鼓舞，Justin 說：「係受寵若驚，呢個電影節喺 Facebook 聯絡我，我嘅戲係從來未曾參加過外國影展，所以當收到呢個訊息時，我有啲懷疑，就搵咗公司同事了解，原來真喎。影展見到好多口碑，主動聯絡我有冇興趣參加，多謝香港觀眾同業內人士散播咁多口碑，多謝自己嘅團隊好大付出，所有嘢都係感恩。」

百分百的本土製作的《作家》，能夠打著港產旗號走向國際，電影公司亦很珍惜，Justin 坦言：「喺呢個時候呢個環境下，一切都得來不易，我一有時間就去謝票，我相信試咗可能唔得，唔試就一定唔得，希望將我哋港產片繼續發揚光大甚至乎衝出亞洲去到美國咁遠。呢套戲係我三年嘅心血，亦係我哋上上下下團隊結晶品，希望票房令投資方滿意嘅話開續集。」

Text：機