《高朋滿座》「高B」係MIRROR成員家姐　粉絲一早知

曾在處境劇《高朋滿座》飾演鄭丹瑞女兒「高B」嘅藝人鍾煌，淡出幕前多年。因常見佢香港男團MIRROR場，又經常合照，因此被指係鏡粉。點知近日有網台稱，鍾煌其實係MIRROR成員Alton（王智德）同母異父家姐，係姊弟關係！

翻查鍾煌社交網，發現佢的確同Alton關係特別密切，由佢參加《全民造星》到加入MIRROR後嘅演出，鍾煌不但到場支持，仲多次偕王母到後台為Alton打氣及合照，包括2022年MIRROR紅館騷後台。佢亦多次與Alton外甥女芯言同框，話帶芯言去捧「吖虎」(舅父）場，而佢亦自稱係芯言「阿姨」。

2023年，佢去睇Ian、AK等開騷，隨Alton到後台搵歌手集郵，即被指既係蛋白粉（Alton粉絲暱稱），又係Hellosss（Ian粉絲暱稱）。同年，無悔三兄弟Alton、Lokman、Dee合資開泰菜餐廳，鍾煌於開業當日帶住姨甥女芯言到賀，仲揀喺寫上「愛你的Family」開張花籃前拍照，令二人家人關係曝光。有唔少蛋白粉就表示其實一路都知，家姐都不時都會現身撐屋企人，見Alton咁耐都冇特別公開，Fans間亦無乜需要講，唔想打擾到Alton及家人。

鍾煌於2006年加入第20期無綫藝員訓練班，同屆同學有孫慧雪。畢業後佢一度獲TVB力捧，安排於處境劇《高朋滿座》飾演高有朋（鄭丹瑞飾）女兒高蕙婷「高B」。戲份重嘅佢更憑該劇奪得台慶「飛躍進步女藝員」獎項。及後因佢傳與有婦之夫交往，疑一度遭雪藏，於《高朋滿座》劇情舖排下出國留學，離開劇組。

之後她在《花花世界花家姐》、《宮心計》、《原來愛上賊》、《愛．回家之開心速遞》等演出，不過演的都是閒角。2014年她轉投港視，曾參演《來生不做香港人》、《末日+5》及《夜班》，惟港視最終不獲發牌，鍾煌逐漸淡出幕前，與同期嘅孫慧雪一直保持聯絡，不時聚會。

東網網站 : https://on.cc/東網Facebook專頁 : https://www.facebook.com/onccnews/