《撻出愛火花》大結局！楊張新悅隔空問候謝霆鋒

無綫21年前經典劇集《撻出愛火花》於深夜時分重播，當年呢套劇由謝霆鋒同楊張新悅主演，當時霆鋒只得18歲，而當年楊張新悅都係得22歲，連日來女主角楊張新悅都喺社交網緬懷一番，更試過穿上柔道袍耍兩招，而今日（24日）凌晨時分終於大結局，楊張新悅都有安在家中收看，佢不捨咁留言話：「大結局了。其實我從來未看過這套電視劇。想當年播放時我在工作。這十五天看到羅晶晶，感覺是真實的我。我就是這麼惡死，這麼有傲氣的大師姐！現在的謝霆鋒又怎麼樣呢？」

有網友就留言話：「簡直就係童年回憶呀，霆鋒係我細個嘅偶像，當年睇呢套劇嗰陣，無諗過佢10幾年之後會成為金像影帝。」

東網網站 : https://on.cc/

東網Facebook專頁 : https://www.facebook.com/onccnews/