「回家」賀龔水大婚　「Mandy」謝芷倫現實同樣出嫁

處境劇《愛‧回家之開心速遞》一連三集大婚戲成為全城熱話，其中「Mandy」謝芷倫（Jan）及「博士」馬貫東更「回家」飲喜酒，令唔少觀眾直呼興奮。但原來現實Jan亦有喜訊，原來佢近日已經同圈外男友拉埋天窗，正式升呢人妻！

上月公開答應求婚嘅Jan，呢日就喺社交網晒出婚照，亦令老公外表首度正式曝光，見其圈外老公大隻有型，與其「肥叔叔」稱號大有出入，難怪Jan早前曾笑指：「你都唔係好肥啊，定係我太瘦所以顯得你肥呢。」2人先後換上中西兩套禮服，又雙手緊握、鼻尖貼鼻尖深情對望，相當甜蜜，Jan表示多謝老公令其生命變得完整，又大讚對方係上天賜畀佢最好嘅禮物。

東網網站 : https://on.cc/東網Facebook專頁 : https://www.facebook.com/onccnews/