Bob首公開轉運法 行足10年運 心想事成3月紅館開Talk騷

由梁思浩、黃紫恩（Jojo）及黃耀英（Darren）主持的《直播靈接觸》，昨晚（27日）年廿八洗邋遢大日子，跟大家分享主題為「頭炷香」，請來林盛斌（阿Bob）及奇門遁甲雲文子師傅擔任嘉賓。

阿Bob透露近日除忙於辦年貨，又要為3月7日在紅館開的Talk騷做準備。節目中他公開隱藏多年開運大法，阿Bob表示2014年左右獲高人指點，他說︰「遇到工作唔順利、運氣麻麻可以試下，好簡單。嗰位高人教我用一張紙，搵3個你覺得好勁、好犀利、好欣賞、好好運、好有錢、好富有豐盛嘅人，喺張紙寫個『豐』字。嗰時我搵咗2位老闆同一位好欣賞嘅工作伙伴，一人寫一個『豐』字。跟住張紙用相架裱起放喺牀頭，每一日瞓覺嘅時候，都有3個我好欣賞嘅人話畀我知『Bob你會好豐盛、會好豐足』。」

梁思浩解釋此為吸引力法，得到3位好運人士祝福，自然功效強大。阿Bob表示之後幾年的事業，是最豐收的日子，他認為是得到3位成功人士正能量加持，所以一帆風順。

（即時娛樂）