江若琳尺度大開要作反　低胸吊帶換新Look

歌手江若琳（Elanne）努力經營社交平台，連日來分享多款造型照，兼且愈剝愈多，而昨晚（26號）第3輯寫真集更大派終極彩蛋，換上吊帶低胸裝的她，露出強勁事業線，加上意態撩人相當性感，似乎人妻要作反了。

Elanne接受訪問時頻說：「唔係好性感啫，呢個係新一年嘅全新造型，想畀粉絲睇吓我未試過咁型格嘅感覺，表達出連帶歌路都係全新面貌，呢輯相係終極架啦，就算性感都係健康嘅性感，（老公可有詐型？）冇啦，唔算性感，可能我個湊仔形象太深入民心，同做嘢嘅時間有少少反差啫，（有冇裝假狗？）冇呀，我身材都唔係好。」

問到農曆新年有何安排？她就話會和老公攜兒子過個熱辣辣新年：「我哋會去新加坡玩幾日，因為嗰邊嘅環境好乾淨，同埋個仔鍾意去游水同去動物園，好啱小朋友玩。」不過身為好媳婦的她，一定先向長輩拜完年，大約初三或初四才起行。

東網網站 : https://on.cc/東網Facebook專頁 : https://www.facebook.com/onccnews/