蘇永康吳浩康探班《聲秀》學員　傳授演出心得

無綫歌唱節目《聲秀》16強學員包括馮熙燮、柯雨霏、胡子貝、張津銘、徐惠晴、布子殷、陸卓謙（Jeffery）、冼奕瑜及甄敏芳（Jenny）等將於本周日(18日) 晚上在麥花臣場館舉行「《this is OUR STAGE》聲秀畢業演唱會」。日前胡子貝、Jeffery和Jenny相約到Band房練習，Jenny的導師蘇永康、子貝與Jeffery的導師吳浩康（Deep）到場探班，耐心教導三位學員做好「畢業的意義」。

吳浩康對學員們說：「今次演唱會對你哋嘅要求會嚴謹過之前做節目，因為你哋依家已經係專業歌手，以前比賽嗰陣如果有乜閃失都係決定你留唔留到喺度，你哋就算冇諗過贏都好想留低，過往叫你哋享受舞台其實係好苛刻嘅要求，但係今次演唱會真係對你哋有呢個寄望。」

而蘇永康接着說：「每個學員都要盡量做好自己，要練好你要唱嘅歌，呢個Show始終唔係一個個人演唱會，合作嘅部份其實係講求協調，今次係一個畢業演唱會，點樣去做好畢業嘅意義？我首先覺得除咗要突出自己之外，都要凸顯返過往呢8個月嘅友誼，大家互相扶持行過嘅日子，我覺得呢啲日子只會喺你人生出現一次，所以大家要珍惜。」

東網網站 : https://on.cc/東網Facebook專頁 : https://www.facebook.com/onccnews/