虞書欣丁禹兮新劇咀戲疑被刪　群情洶湧聲請「剪回來」

內地「95後小花」虞書欣同上位小生丁禹兮主演新劇《永夜星河》最近開播，外界反應熱烈，話題不斷。有網友發現，於第十集入面，疑似劇組剪走兩位主角嘅吻戲，紛紛喊話「剪回來」，話題直登熱搜！

喺《永》第十集中，凌妙妙（虞書欣飾）同慕聲（丁禹兮飾）被困水球中，正當虞書欣要冇氣時，兩人先驚險脫困。隨後畫面就跳到兩人對話，但慕聲一直摸嘴唇，令人覺得中間係咪Skip咗啲鏡頭，有網友提出疑問說：「第十集是不是刪掉了接吻？不然子期（慕聲）下來摸嘴巴幹嘛！」、「10集時間也短了三分鐘。」

片段引發討論後，好多觀眾都認定二人咀戲被刪，激動表示「為甚麼要刪啊」、「能不能重新剪回來」亦有人分析目前片段應該係虞書欣視角，吻戲可能係發生喺女方暈倒後，估計到講丁禹兮回憶時，呢段吻戲好大機會重見天日。

東網網站 : https://on.cc/東網Facebook專頁 : https://www.facebook.com/onccnews/