古天樂謝票提《尋秦記》映期　考慮對手問題：一個禮拜五十幾億

提到古天樂主演而又上映無期的電影，經典電視劇迷應該一定記得有套《尋秦記》，加上近年人氣回勇的林峯主演，令人期待。而網上就有一段早前古天樂為《臨時決鬥》謝票時拍的短片，片中他就回應關於《尋秦記》的上映日期。

古天樂提到映期要考慮不同因素，當中包括在內地上映時的檔期及對手：「未知！唔知！我解釋個原因先，排一部戲上映除咗要睇香港市場，仲要睇國內市場。國內市場就要睇同期嘅對手係咩，你知而家癲到一個禮拜五十幾億都有啦！要檔期同時間配合，我哋先可以排到。」即是電影其實可以隨時上映，只待安排一個合適映期，又即是隨時會像《明日戰記》一樣，上映早一兩個月前才作宣傳，這個消息應該令影響充滿希望。