方力申金髮影紅館騷Poster　竟同尹光舊個唱撞到應

藝人方力申依家有女萬事足，家庭美滿，同時佢都要搵多啲奶粉錢養家，日前佢就宣布將於5月16日假紅磡香港體育館開騷，望以人生最佳時間登陸紅館，令一眾Fans期待。見佢公開演唱會Poster中，染上一頭金髮嘅佢神采飛揚，以一身螢光粉紅西裝晒出靚仔三七面，手上亦有同色高帽，並配襯彩藍色背景。點知Poster公開不夠一日，就有眼利網友發現該海報同資深歌手尹光於2023年嘅紅館宣傳海報極為相似，以同色系西裝配以彩藍色背景，雖然二人動作唔同，但成個concept相似度非常高，有網友即問係咪搵咗同一個Design團隊，更惹嚟抄襲疑雲。不過亦有網友對方力申個唱嘉賓好有興趣，留言問可唔可以同當年合作過嘅李彩華及陳曉東，最想聽三人合唱《兩男一女》。

東網網站 : https://on.cc/東網Facebook專頁 : https://www.facebook.com/onccnews/