Kim Kardashian送狗做仔女聖誕禮物即被動物協會狂插

美國真人騷女王Kim Kardashian 言行舉止經常被人批評，最近就連買聖誕禮物畀子女都被插。

話說早前Kim於社交網透露買了4隻松鼠狗畀子女做聖誕禮物，並留言指每個子女都得到一隻狗仔，消息傳出後即被善待動物協會（PETA）批評，PETA創辦人向傳媒直斥Kim買狗仔的行為，她說：「狗仔並唔係毛絨公仔，好羞恥嘅係Kim唔為狗隻收容所做代言人而反而走去鼓勵人去買狗仔。忽視流浪動物危機係一件唔可以饒恕冷酷無情嘅事。」此外，PETA創辦人亦提議Kim下次想再養狗時先聯絡協會或本地狗隻收容所申請領養狗隻。

另方面，Kim12歲長女露芙（North West）的衣着打扮亦經常被人批評太早熟，而網民更將矛頭指向Kim批評她容許女兒作如此打扮。打扮愈來愈激的露芙早前聖誕節與繼母Bianca Censori見面並於社交網分享合照。

東網網站 : https://on.cc/東網Facebook專頁 : https://www.facebook.com/onccnews/