推廣美人魚表演　蔡頌思成立水下演藝人協會

「40億千金」蔡頌思（Jocelyn）繼拍電影及演舞台劇後，最近挑戰唱歌，她透露正忙於寫歌，預計會推出幾首新歌及拍攝MV。除了幕前工作以外，擁有美人魚潛水牌的她正忙於籌備成立水下演藝人協會，她表示：「呢個係一個非牟利機構，我已經註冊咗，想集合晒所有美人魚表演者以及相關行業嘅人，例如水底化妝師、水底攝影師等等，我會擔任主席。（點解會有呢個構思？）其實係一班美人魚表演者諗出嚟，美人魚呢項體藝對大家嚟講比較新穎，既係運動又係藝術，要有潛水技術又要好優美，好似韻律泳咁做表演，不過香港就未美人魚相關協會，所以就決定成立，希望透過協會畀更多人認識水下表演。」

Jocelyn已計劃了連串活動，她稱視乎疫情發展，希望今年內舉辦就職典禮、水底攝影比賽及相展，還有拍攝水底MV：「內地同台灣都有美人魚水底作品，但香港暫時未有，所以想做一個MV，不過因為疫情泳池冇開，依家搵吓有冇私人泳池可以租用嚟拍攝。」

東網網站 : https://on.cc/東網Facebook專頁 : https://www.facebook.com/onccnews/