龐卓欣為男友慶生放閃讚夠上進　曾因爭仔患厭食症

前港姐亞軍龐卓欣（Ada）近年轉型做KOL及做音樂老師教小朋友唱歌，不時在社交平台分享日常生活，與金融才俊男友Patrick亦感情穩定，兩人不時高調放閃，事業愛情兩得意！Ada日前為男友Patrick慶祝生日，她在社交網晒出合照，並大讚男友努力上進，從不放棄，為對方而驕傲，更高調示愛，相當甜蜜！

Ada參選港姐時與鐘錶大王長孫孫智威（Solomon）愛得高調，但兩人在2019年分手，同年再戀上金融才俊男友Patrick，更曾為男友大搞奢華生日派對。她現時與男友感情穩定，但原來她在讀書時期曾因失戀出事：「我大概中三嘅時候失戀，我鍾意嘅男仔鍾意咗第二個女仔，嗰個女仔出名腰好瘦，所以我想靚過嗰個女仔，就令到我開始唔食嘢，慢慢就有厭食症。」厭食症維持了3、4個月，後來卻演變成暴食症：「我同自己講，食完呢餐，聽日就減肥，所以我就不停塞自己食嘢，食完又好內疚，就會想扣喉，好在我扣唔到喉，有幾次想扣都扣唔到，咁係好，否則我會更難康復。我係幾日唔食嘢，幾日又好暴食，一直都係咁循環。」她續指這個情況維持了1年，直至後來到美國讀書才逐漸康復。

Ada家境富裕，她的爸爸龐寶林是股評人，有傳身家逾億，2018年龐卓欣在富爸爸的支持下，以1,200萬購入銅鑼灣一個700呎單位，成功上車！近年龐卓欣專注發展自己的事業，一邊教唱歌、一邊拍片做KOL，與金融才俊男友Patrick愛得甜蜜，兩人經常出雙入對，不時大曬合照放閃，蜜運中的龐卓欣容光煥發，可見男友都對她照顧有加，呵護備至！

東網網站 : https://on.cc/東網Facebook專頁 : https://www.facebook.com/onccnews/