愛貓陪出嫁｜林泳淘新婚老公容貌曝光 跟林日曦Alton「撞樣」

《東張西望》前主持林泳淘於5月29日，跟拍拖14年的初戀男友林卓立結婚，而林卓立的樣貌一直保持神秘，今天林泳淘公開老公真身，有網民讚她的老公幾靚仔，同時亦指林卓立跟林日曦「撞樣」，亦有網民指他似MIRROR成員王智德（Alton）。

林泳淘表示在疫請下，要搞個證婚也不容易，她寫道：「4月尾個時朋友嚟我哋屋企玩問起，我哋仲話可能兩條友踢拖走去簽張紙算，之後就俾大家圍剿，好多謝身邊朋友仲有我家姐俾嘅重要意見，雖然計劃改完又改，但感恩我哋最終都搵到最適合我哋兩個個性嘅方案，就係喺屋企搞一個極hea溫馨小派對，（原本林生仲話想全世界一齊着睡衣，不過又俾人制止咗）。」

林泳淘的愛貓當天亦有陪出嫁，她開心表示：「因為咁，亦成功令奧奧參與到媽媽嘅婚禮，呢個小小嘅派對，有我哋嘅家人，有我哋嘅朋友，仲有我最愛嘅寶貝，一切實在太完美啦。」

（即時娛樂）