呂爵安成功搶自己騷6張加場飛　 193留言希望抽中獲Edan回覆：燒俾你

MIRROR成員Edan呂爵安將於下月16至18日舉行第二次個人演唱會《EDAN LUI “e to E” LIVE 2025》，早前開售頭兩場演唱會門票時火速售罄，即使Edan曾加入搶飛行列，但最後失敗而回。今日（17日）再於中午公開發售18日的加場門票，Edan再接再厲終於成功購入6張1180元的連位門票，並呼籲粉絲留言而隨機送出門票，ERROR成員郭嘉駿（193）亦留言表示「希望抽中」，Edan則搞笑回覆︰「一定燒俾你﹗」

Edan今日在社交平台展示成功預訂門票的截圖及留言︰「已買自己演唱會飛﹗『E』行！『12』區！『16』號-『21』號！呢6張$1180嘅飛，我決定免費送出去俾有緣人！喺下面留言，我就會隨機抽一個送俾嗰個account！睇吓邊個有運啦！（唔准拎去炒啊）」

此帖一出，不少爵粉留言希望被抽中，更有不少粉絲貼出自己與Edan的合照，希望力證自己是粉絲。193亦有趁熱鬧留言：「希望抽中」。沒想到，Edan竟然搞笑回覆︰「一定燒俾你﹗」被重提昔日舊事的193亦不甘示弱：「唔好呃我，影低燒飛過程嚟睇先﹗」

193的「燒俾你事件」曾經成為網絡熱話，早於2021年有網民在連登討論區控訴，曾經向193營運的網店「Lilaboc.co」付款購買帽子卻被「走數」，其後網店即時回覆，更貼圖表示其不客氣的用話，包括「文盲？」、「定係燒俾你」、「呢個世界真係多怪人」、「唔係佢公審我先咩？咩年代，仲罵不還口？」等，引起全城爭論。後來193在ERROR開騷時重提事件，就事件再度道歉，解釋當時錯在自以為搞笑的幽默回覆，卻令人信以為真。