碧咸與大仔決裂　Lily Allen公開力撐布魯克林　前情婦落井下石：真相總會水落石出

英國前球星碧咸（David Beckham）夫婦與長子布魯克林（Brooklyn）關係正式決裂，「碧Sir」面臨「四面受敵」，除了經長子的連番指控後令「好爸爸」形象受損，慘被網民鬧爆之外，亦被名人紅星輪流批評。

其中多年前曾與碧咸有染的「前小三」盧絲（Rebecca Loos）亦於社交網留言回應事件並力捧布魯克林，她表示：「真係高興佢（布魯克林）終於站出嚟為自己辯護，公開表態喇！我一直好同情佢可憐嘅老婆妮歌娜佩絲，因為我太了解佢哋（碧咸夫婦）呢種人！真相總係會水落石出。」而英國天后Lily Allen亦於社交網暗撐布魯克林，將自己的大碟《West End Girl》封面個樣改成布魯克林。至於向來出名言論大膽的英國名嘴皮爾斯摩根（Piers Morgan）雖然因早前跌親而入院做手術，但他仍然於社交網留言發聲寸碧咸一家，他玩自嘲說：「我以為冇嘢比我喺餐廳裡跌斷股骨，痛得需要換髖關節更尷尬、更令人震驚……但碧咸一家嘅鬧劇竟然做到！真係一群令人作嘔嘅虛偽、自戀、一心只想搞公關嘅蠢才。 🙄」

另方面，布魯克林於聲明中踢爆當年他結婚時被母親「騎劫」婚禮與老婆妮歌娜的首隻舞，並指母親跳舞時向他進行「不恰當」的舞姿，令他從未如此羞辱。此番話即成為網民「笑抦」上載短片瘋狂惡搞。而當時婚禮的「目擊者」賓客Stavros Agapiou於社交網留言證實布魯克林冇「吹水」：「我當時在場，而佢（Victoria）真係有咁做，佢（布魯克林）講嘅屬實。佢做得好終於講出嚟！」

此外，雖然布魯克林婚禮上與母跳舞的片段版權屬他擁有因而冇機會曝光，但有知情者就向傳媒爆料當時「碧咸嫂」的舞姿有幾「不恰當」。據知她與子在拉丁男歌手Marc Anthony獻唱浪漫歌曲底下跳舞時「用鼻愛撫」兒子的頸部。而Marc當時以「整個房間最美麗的女人」來邀請Victoria與布魯克林共舞時，「新娘子」妮歌娜即時淚崩離開宴會廳喊到眼腫鼻腫。

東網網站 : https://on.cc/東網Facebook專頁 : https://www.facebook.com/onccnews/