全港最好食炸豬扒？新推出養顏膠原蛋白set｜丼吉｜銅鑼灣

雖然我成日食omakase，但蔡瀾啲youtube片我集集都追，佢嘅散文集都買咗好幾本，好記得有集youtube黎咗呢到食豬扒，除咗大讚係毫無疑問係全香港最好食，仲要用手拎起隻蝦黎食超滋味。

其實呢間已經有成30年歷史，不過呢間樓上高層新裝環境超靚，主打正宗日本炸豬扒，出品每個細節都做到足，連任食嘅椰菜絲都要日本運黎，最近仲有個養顏膠原蛋白set。

-
🍱Fujimori膠原蛋白美人定食 二人套餐 (Openrice訂座 $788/二人)
有齊前菜六點、刺身五點、招牌吉列豬扒、吉列深海大蝦、吉列廣島生蠔，仲要任食日本椰菜絲同日本米飯，以被譽為全香港最好食嘅日式豬扒黎講，絕對超值。

🔸吉列盛合
🍖招牌上級豬扒
🥗任食日本椰菜絲
1️⃣睇片都見到幾咁酥脆，真係食過入邊最酥脆，正宗日本做法唔會醃鬆肉，食出豬扒肉香原味，邊位仲有層肥膏，入口油香滲滿口腔。

2️⃣自己磨好芝麻後，再加入甜甜酸酸嘅醬汁，竟然都係自家熬成，超有心機。另外仲有配上日本椰菜，同日本米飯一樣都係任食。

🦐深海大蝦 🦪廣島生蠔
一份仲有兩款海鮮，都係用上靚料，前者肉質真係結實，大大隻外脆內爽甜，後者廣島蠔非常Juicy，一咬仲滴汁。

-
🔸刺身五點
🥢藍天使蝦 🥢深海池魚
🥢活帶子 🥢真鯛 🥢三文魚
用嘅都係高級魚料，帶子都用鮮活嘅，特別鮮甜，又有少見嘅藍天使蝦，成個刺身盛超重本。

🔸前菜六點
🥢Fujimori 膠原蛋白醋蕃茄🥢冷菠菜
🥢薯仔沙律🥢淮山漬🥢合桃小女子🥢甘栗煮
🔸麵豉湯 🔸漬物 🔸日本米飯
🍨甜品 - 梅子膠原蛋白啫喱伴雲呢拿雪糕
最勁係全Set走養顏主題，係唔同細節位加入膠原蛋白，但其實味道同平時一樣咁出色，而且非常精緻。

🍶Sake
雖然係做豬排，但呢到竟然有唔少Sake選擇，仲有做埋Pairing，用唔同Sake配搭唔同食物，唔同香氣同口感嘅都有。

-
丼吉
🗺銅鑼灣告士打道280號世界貿易中心13樓1302號舖 (旗艦店)
📞2310 8806
❇️上邊嘅Set都係Openrice訂，另外新城市廣場 / The ONE / 又一城 / 朗豪坊分店會有另一款膠原蛋白美人定食套餐，詳情記得睇睇佢地OpenRice。

▼Follow foodiegogoooo
Instagram: https://www.instagram.com/foodiegogoooo/