傳巨星林憶蓮為《乘風》錄片　A-Lin直播親認參與節目

內地綜藝節目《乘風破浪的姐姐》第三季宣布改名為《乘風破浪》，節目組近日仲公開招募大眾評審，睇嚟即將開拍！而李冰冰否認拍《乘風》後，最近又有網友爆料，聲稱有6位「姐姐」確定參加節目，有傳其中一位係巨星級歌手、唱得又跳得嘅林憶蓮（Sandy）。該網友指原本30位姐姐嘅中心係內地資深歌手孫悅，但由於佢身患腳傷，無法參加節目，所以由林憶蓮取代。

而其餘5位姐姐分別係王心凌、A-Lin（黃麗玲）、黃雅莉、尚雯婕、任素汐。消息指王心凌目前喺內地隔離、Twins已抵達長沙，而A-Lin早前已喺直播確定參與節目，不過節目組就話遲下再同大家正式公布。

東網網站 : https://on.cc/東網Facebook專頁 : https://www.facebook.com/onccnews/