楊玉梅嗌交戲演技爆發　大讚楊茜堯「又靚又好戲」

由藝人楊茜堯、林夏薇等主演的無綫台慶劇《黑色月光》劇情進入白熱化階段，在日前一集中楊玉梅大鬥郭鋒，兩人針鋒相對，場面相當精彩。楊玉梅受訪時坦言小時候已愛看郭鋒做戲，對於能與對方合作感到榮幸，並大讚角色有發揮：「開始時都有啲擔心，因為我哋一嚟就係拍辦公室鬧交戲先，呢場戲好多Take都要將啲對白由頭到尾一次過講晒，而且因為就分鏡要講幾次。我記得我哋拍完場戲，所有工作人員都拍晒手掌。呢場戲我要小心嘅位係唔可以做到好似潑婦咁。」

她續指由於拍攝當日郭鋒因感冒不適「失晒聲」，她馬上將袋中的喉糖及消炎糖送給他：「等佢講對白舒緩啲，我好佩服郭鋒哥哥，雖然佢講唔到嘢，但睇番場戲，佢一啲病態都冇，仲係咁兇狠同有霸氣，即使幾病都好，佢一對住鏡頭就係叮一聲，專業演員真係專業演員。」

除了郭鋒外，楊玉梅跟楊茜堯也有不少對手戲，她大讚楊茜堯「又靚又好戲」之餘，還大爆她與老公羅子溢勁恩愛：「記得放飯時，我哋食飯盒，佢仲爭取時間同屋企人視頻，一路食飯一路傾偈，佢哋好恩愛，好羨慕佢哋。」

東網網站 : https://on.cc/東網Facebook專頁 : https://www.facebook.com/onccnews/