洪天明幫周家蔚剝衫　錢嘉樂化物護妻狂魔

無綫節目《大師兄Welcome Summer大激戰》由「大師兄」錢嘉樂率領、麥美恩、林秀怡、林正峰等「獎老」齊齊衝出錄影廠，大玩水上闖關遊戲，競逐超級終極大獎。將於周日（6日）播出的一集，最近傳婚姻出現危機的「夫妻檔」洪天明與周家蔚成為焦點，他們全程拍住玩遊戲，默契十足。

兩人玩「水中大電視」環節時，不但同心協力做出「心口碎大石」、「打尿震」、「槍戰」等多款高難度動作，天明更趁其他人專心玩遊戲時，偷偷孭起家蔚氹愛妻開心，恩愛爆燈，粉碎傳聞。之後玩「水上障礙大賽」，家蔚整濕衣衫運冰水時，由於不夠力扭極扭唔出水，天明見狀即出手幫家蔚脫掉濕衫，更還笑說：「呢個我拿手」，相當搞笑。

「大師兄」錢嘉樂則踢爆愛妻湯盈盈為上節目相當上心：「佢即刻做咗3日Yoga！」結果皇天不負有心人，盈盈成功在新遊戲「大龜大龜跳」中，憑「手腳猜枚」為「獎門人好友」贏得漂亮一仗，以一人之力連續KO了「主持隊」6名隊員，獲錢嘉樂封為「烏龜MVP」。

看似對愛妻窒頭窒勢的大師兄，其實十分着緊盈盈，眼見盈盈玩遊戲意外跌低時，嘉樂即「護妻狂魔」上身大叫：「唔准笑！唔准笑！」又在其他環節狂畀貼士兼向盈盈「打眼色」，認真偏心！此外，曾展望則與明大鬥划橡皮艇，雖然GM自誇師承李麗珊，但面對洪天明以「產婦姿勢」奇招划艇，雙方可謂勢均力敵。

東網網站 : https://on.cc/東網Facebook專頁 : https://www.facebook.com/onccnews/