周潤發揚言跑到120歲　笑言要收跑友2萬幾月費

影帝周潤發（發哥）今日（18日）參加10公里賽事，身為馬拉松風頭躉的他，以全黑造型配上一頭銀髮，在多位跑手簇擁下衝過終點，引來全場歡呼，發哥帶同跑友劉江、鮑起靜、黃翠如和蕭正楠一起完成10公里賽事。眾人一起受訪，發哥開首即大讚一班「學生」狀態非常好，笑稱已叫發嫂安排4枱一起飲茶慶功，他笑謂：「如果繼續收生，要加收會費！」

他指今次有20多位好友陪他一起跑，相當高興，問到是否集齊老中青？他笑稱最青是鮑起靜和劉江，黃翠如與蕭正楠則自認老弱殘兵。問到是否滿意成績？他笑謂：「好過21公里，當時要2個幾鐘，今次唔使，哈哈！」劉江笑言一定滿意，否則他們便不再來，至於早前在日本完成17公里賽的鮑起靜，笑指全靠發哥救了他們這幾位長者：「令到我哋永遠都青春、永遠都健康。」劉江則笑稱跑完今次想退會：「只係喺大帽山遇過發哥一次，從此就加入咗一齊跑。」

問到發哥是否仍堅持跑到80歲？他笑謂：「120歲都繼續跑！學生愈來愈多，我每位都收佢哋2萬幾月費，今日廿幾個，條數好襟計。（之前想邀請盧海鵬一齊跑？）鵬哥呢啲窮鬼我就唔收喇，哈哈！（邊位有錢途？）黃翠如一報就兩位！」談到他每次出現都引來市民圍觀，他笑指打招呼都「打到手軟」，指大家也很熱情，因此每年都要出來與跟大家見見面。談到電影寒冬，鮑起靜覺得冬天過後會有春天，問發哥會否出山救亡？他坦言以一己之力救不到太多：「但冇人搵我呀！（因為你好似學費一樣收得貴？）冇人搵我，又點知道我收得貴？我都轉行教跑步啦！」另談到今屆金像獎有4部電影被DQ，周潤發說：「我未睇到，睇咗再答你！」

東網網站 : https://on.cc/東網Facebook專頁 : https://www.facebook.com/onccnews/