蔣怡傳承廚藝　全靠嫲嫲的味道

HOY TV廚藝比併節目《領廚爭霸戰》初賽正進行得如火如荼，今集除了有主持蔣怡、評判Ricky和Jacky之外，還請來嘉賓評判黎彼得，賽事以「媽媽的味道」為主題。說到媽媽的味道，蔣怡直言自己父母都不懂得下廚：「其實我最記得就係嫲嫲煮嘅嘢食，因為我細個好鍾意食嘢，亦都成日肚餓，好似餓鬼咁！一放學返到屋企就即刻要食好多嘢，而我嫲嫲唔係畀啲小食我食，而係煮啲新鮮嘢畀我食，雲吞呀小籠包呀，總之就煮定各式各樣嘅點心等我返嚟，依家諗番都覺得好難得，全部都係手造，仲要每日都唔同款式，真係好有愛！依家我就承傳咗嫲嫲呢一種愛，我啲仔女一返嚟，就即刻整定曲奇，蝦餃燒賣咁，唔同口味嘅點心等佢哋返嚟品嘗！」

至於黎彼得早前於自家網上頻道發表惹火言論，狠批「阿豬阿狗都開到演唱會」，他就表示是故意的：「依家網上嘅內容如果唔係講負面嘅話呢，就冇流量，所以我係特登嘅，正面嘅嘢冇人睇㗎！網上嘅人最鍾意亂噏，咁我咪畀佢哋亂噏囉！好似開party咁！其實阿豬阿狗開演唱會真係唔關我事！我好少睇演唱會同埋出現喺後台，我最後一次睇演唱會已經係因為胡楓嘅契仔張學友做《雪狼湖》，叫我去支持一下！所以阿豬阿狗開演唱會其實真係唔係好關我事！」

東網網站 : https://on.cc/東網Facebook專頁 : https://www.facebook.com/onccnews/