吳業坤自爆婚後鑽研AV　精益求精：要不斷學習！

吳業坤與日本女優老婆濱口愛子今日（15日）在港補辦喜酒，日前他亮相無綫節目《搵鬼做情人》，大談與老婆相識以至求婚經過，更自爆婚後多了鑽研AV！他透露當日到日本放假沉澱自己思考人生，幸運遇上愛子：「嗰時香港發生咗好多事情，公司又有變動，所以係一個right timing。如果我一直有好多工作，繼續拍劇呀，係冇可能飛到啦，或者思考三十歲之後係點。」

他續指娶到日本老婆的確有優悅感，又重提求婚過程：「用我僅餘嘅日文打去一間鋪頭，佢係會做求婚晚宴，點樣我去換衫但又唔俾佢覺得我走咗咁耐呢？我唔飲得牛奶就扮肚痛走，佢信跟住我就跪喺度，同佢講『希望可以令你幸福』。」氹得老婆非常感動。

講到香港男仔對日本女性充滿幻想，他直認有涉獵愛情動作片，更大爆婚後仍有睇AV，全為精益求精：「你都知啦，有啲嘢係唔夠，有啲嘢係要不斷地學習。（即係婚後鑽研多咗呀？）好似打籃球咁，每個年代嘅進攻模式都唔同。睇多啲啦，唔同國家、唔同地方嘅…我都係直接入戲肉㗎咋都係。」

東網網站 : https://on.cc/東網Facebook專頁 : https://www.facebook.com/onccnews/