方媛向《珠光寶氣》致敬　化身柯德莉夏萍

荷里活經典女星柯德莉夏萍，雖然1993年不敵結腸癌逝世，不過其主演嘅《珠光寶氣》、《羅馬假期》及《窈窕淑女》等，都係後世傳頌嘅經典電影，特別係電影《珠光寶氣》中嘅打扮，至今都有唔少女星模仿。而繼早前張栢芝喺巴黎時裝周，以柯德莉夏萍喺《珠光寶氣》嘅打扮示人後，日前天王嫂方媛亦喺社交網晒出一系列神還原嘅靚相，並寫道：「赴一場美的盛宴。」

方媛身穿一襲黑色露背長裙，戴上黑色長手套外，更將一頭秀髮梳成高髮髻，盡騷香肩鎖骨及白激美背外，精緻嘅五官同埋鵝蛋臉，更引嚟唔少網友言激讚：「東方柯德莉夏萍！」、「美得好高級！」、「穿甚麼類型都非常搭！」之餘，亦有網友留言：「媛媛好似瘦了。」引嚟方媛本人回覆自己的確瘦咗外，更透露係健身成果。

東網網站 : https://on.cc/東網Facebook專頁 : https://www.facebook.com/onccnews/