官恩娜神隱多年　粉絲跪求開個唱獲本尊回覆

現年46歲的官恩娜（Ella）2000年以模特兒身份入行，其後獲唱片公司賞識轉戰歌手攻樂壇，因為人靚聲甜被封為女神，其後2015年與中法混血醫生男友結婚後育有一子一女，選擇淡出幕前，專心照顧家庭，甚少公開露面，就連社交平台的更新頻率也不高，生活低調。近日有網民在社交平台發文，表示剛巧聽到Ella的歌曲《暗戀航空》，勾起以往的回憶：「由細到大都好鍾意聽官恩娜同佢啲歌，《地平線》、《千帆》、《戲中有氣》、《失常》、《乾脆俐落》等等…可唔可以喺呢度推到官恩娜本人出嚟回應同搞返個官恩娜演唱會。」

帖文甫出後即獲逾2000個讚好及逾200個留言，不少網民紛紛表示認同，讚Ella唱歌好聽，又分享自己最喜歡Ella的哪一首歌曲，結果最後竟成功引來Ella本人回覆：「Thank you so much for your support，其實我有時都會好懷念以前唱歌嘅時候，畢竟人生有好多唔同嘅階段，暫時呢個階段可能未必有機會再同你見面，睇到你呢個留言我真係好窩心！希望你有一個美好的2026年。」其後，另一位網民又指《謝謝你離開》都好好聽，又引到Ella畀like，令網民興奮tag她：「呀！官恩娜like yr 我個comment，你可唔可以出嚟唱返歌？」又獲Ella暖心回覆：「Thank you sweetie…maybe one day」。

東網網站 : https://on.cc/東網Facebook專頁 : https://www.facebook.com/onccnews/