微辣大文疑似偷食出軌 正印阿妹爆已分手：你哋原諒佢啦

澳門人氣YouTube頻道微辣成員大文，最近與隊友來港工作及開設餐廳，不過今日(10日)連登討論區有網民發佈相片，影到疑似大文在街手拖另一女子，態度親密！由於早在上年大文已公開與微辣藝人葉思男(阿妹)的戀情，今次事件被形容為「偷食斷正」，網民更紛紛湧至大文的IG留言：「微辣大整蠱？」、「阿妹咁好都出軌」，不過情況鋒迴路轉，阿妹剛於IG Stories作出回應，驚爆原來二人已分手，網民無得再食花生。

阿妹於IGS寫下長文澄清，並帶笑回應：「你哋原諒佢啦，下次我會提佢帶番好個口罩」，間接代大文承認被偷拍的主角的確是本人。阿妹並藉此公開二人原來已分手：「一訓(瞓)醒就睇到我覺得我有必要stop呢件事嘅，去保護返同等大家唔洗(駛)估估下‥‥‥其實我地由好朋友做番朋友都有一段時間啦。只係覺得無必要專登講」，最後她更搞笑表示明顯大文無聽她勸告戴好口罩，識講笑似乎心情明顯已平復。