林奕匡暢談音樂創作歷程　葉巧琳分享新歌背後感人故事

歌手林奕匡（Phil）與葉巧琳日前到新城廣播接受訪問，齊齊暢談音樂創作歷程。節目中Phil大玩快問快答，他透露人生第一張擁有的唱片是張學友的《不老的傳說》，如果一世人只可以聽一個歌手的聲音，毫不猶豫選擇張學友，Phil表示：「學友哥嘅歌陪伴我成長，因為佢我90年代開始聽中文歌，佢好影響到我，由94年開始聽佢唱《只有你不知道》，到97擁有佢第一張唱片，冇佢又點會有我呢？」Phil更稱若流落荒島只會帶自己的專輯《有人共鳴》

去年為人父的Phil，被問到生小孩和「生」一首歌最大的分別？他以父親身份比喻創作說：「『生』一隻歌呢，首歌喺錄音室唱完最後1 take後交畀製作人，隻歌已經唔會變，已經係最原始，但一個小朋友生出嚟只係一個開始，你要keep住佢成長之餘，又要栽培佢到往後嘅日子。」他笑言最「後悔」的作品是與林家謙合作的《停止繁殖》，如今重唱會用更成熟的聲線演繹。

葉巧琳（Mischa）分享親自填詞的新歌《小傷疤》背後感人故事，這首由Phil作曲的作品，紀錄了她1年內接連失去兩隻愛貓Bandit和Lara的心路歷程；Mischa透露錄音時正值第二隻愛貓猝逝，她強忍悲痛完成錄音：「唱到最後蹲喺地發洩，但宣洩後反而輕鬆咗。」她又透露曾夢見Lara，愛貓告知她「妳會有個女」：「我嚟唔切問佢『你係咪會返嚟做我個女』，個夢就唔記得咗。」

東網網站 : https://on.cc/東網Facebook專頁 : https://www.facebook.com/onccnews/