夏韶聲紅館個唱周末開鑼 跟師父夾Band勁開心 「萬歲」請食雞尾包
「香港搖滾之父」夏韶聲（Danny Summer）將於8月2及3日，假紅館舉行《LAST SUMMER》演唱會，Danny邀請師父竹田和夫和樂隊Super Band同台演出。Danny籌備《LAST SUMMER》演唱會這段日子，除了抽空到書展為繪畫的《天眼》漫畫特別紀念版舉行簽名會，其餘時間忙練習和宣傳，更因練結他過度，令左手疼痛要貼膏藥，兼腰骨舊患復發。
《LAST SUMMER》演唱會周末開鑼，Danny聯同擔任嘉賓的師父竹田和夫和樂隊Super Band綵排，他說：「好開心再見到師父竹田和夫，佢尋日先到埗，我哋有10幾年冇見，對上一次見面，已經係2009年《諳》喺紅館嘅演唱會，大家都有同台演出。」
Danny跟師父在現場綵排歌曲《New York Woman》，兩師徒難得聚首合唱夾band，玩得開心，他說：「我帶咗師父30年前送畀我嘅結他綵排，呢支結他係結他製造商專登做畀師父，而師父1983年送畀我時，仲搵咗我師公B.B. King親筆簽名，師公已經走咗，所以世上係獨一無二。」
為了慰勞師父竹田和夫、樂隊Super Band和團隊，Danny「萬歲」請食雞尾包和蛋撻，他說：「大家排練得咁辛苦，要畀時間大家休息食下午茶，我買咗地道美食慰勞大家，我本身好鍾意食雞尾包，要介紹埋畀師父食啦！」演唱會舉行在即，Danny心情緊張又興奮：「始終喺紅館開騷，當然會有緊張，但知道就快可以同歌迷見面，心情又好興奮，8月2日大家紅館見啦！」
（即時娛樂）