荷里活一線女星機場被野生捕獲上飛機排晒隊冇優待

好多荷里活名人紅星都愛出動私人飛機代步，不過亦有些明星如普通人一樣坐民航機出埠。最近就有兩名荷里活女星在墨西哥機場被野生捕獲上飛機。

有網民影到荷里活女星安祖蓮娜祖莉（Angela Jolie）與莎瑪希爾（Salma Hayek）轉機往墨西哥維拉克魯斯市。照片中2人與其他搭客一樣塞在通往飛機的通道排隊登機，2人手舞足蹈交談。由於她們身家雄厚，其中莎瑪老公更是國際時尚品牌老闆François Pinault。他的身家估計高達70億美元（約546億港元）。所以在場搭客都好難相信與兩大女星同一航班。照片曝光後好多網民都大讚她們好「貼地」。

安祖蓮娜與莎瑪於2021年因合作漫威超級英雄電影《永恆族》（Eternals）而成為好朋友。安祖蓮娜曾公開向莎瑪「示愛」:「我愛莎瑪。佢係呢套戲帶嚟其中一件最好嘅禮物。我哋同喺呢行打滾咁耐但都未認識過，可能係因為我並唔係太愛社交。但依家我哋好親密。佢係我姊妹。佢好出色、仁慈同美好。」

東網網站 : https://on.cc/東網Facebook專頁 : https://www.facebook.com/onccnews/