MIRROR今晚開騷！花姐不滿工作證IG發文鬧：邊個幫我揀張咁肥嘅相

MIRROR將於今晚在九龍灣舉行首場《ONE&ALL LIVE 2021》演唱會，早前12子都積極練歌練舞，希望將最好一面呈現給一眾「鏡粉」，經理人花姐（黃慧君）昨晚亦在個人IG公開一張MIRROR綵排相，留下一句「這一刻，可以肯定地說，『很高興遇見你們！』」認真窩心。不過幾個小時之後，花姐又突然火爆公開鬧人！

花姐在IG公開自己演唱會工作證的照片，嬲爆留言：「邊個幫我揀張咁肥嘅相！」再加上一個喊樣表情符號，明顯對相片不滿。見到工作證上的花姐戴住藍色口罩，身穿黑色T-Shirt，仲要視線向下似是跟別人對話，一點威嚴都沒有。網民見到之後就引用花姐的名言「炒晒你班仆街」做留言，更有人直指花姐根本不需要工作證都可以隨便出入，有網民大膽表示：「太瘦可能認唔到」。至於曾於《全民造星III》做導師的彭秀慧亦毫不畀面，留言指相中的花姐激似KB（Kevin Boy）：「KB 嚟㗎喎！」搞笑留言得到網民爆like。