陳展鵬轉發Brian訪問片　「唔講粗口唔代表好人」

廿四味Brian（李凱賢）最近爆紅，不少網民翻出他之前做過的訪問。向來爆粗如呼吸一樣自然的Brain，曾在訪問中表示，如果用粗口鬧人就唔啱，但如果是表達情緒是OK。向來形象健康的陳展鵬亦轉發這段訪問，認同Brian的觀點之餘，更直言「唔講粗口唔代表係好人，有太多PK掩飾自己唔講粗口」。

Brian在受訪節錄短片中說道：「我覺得粗口part of 廣東話，呢個係顏色嚟，如果你用呢鬧人，咁就唔啱，如果係表達情緒，係OK，都係嗰句我講好多次，你食咖哩雞飯，話好食即係麻麻地，好_好食即刻好食。我中學試過一日，同我朋友James講不如我哋戒粗口，佢話不如戒廣東話。佢講得好啱，不如講國語！」。

陳展鵬轉發Brian這段訪問並寫道：「適合嘅場合適合嘅人群，最重要識得控制自己，呢個係社會責任。絕對認同，這是精髓，幾千年來嘅文化，好好運用我哋其中一種統一嘅語言文化，我哋可以有金（今）時今日，就係因為我哋有獨特嘅文化，唔講粗口唔代表係好人，有太多PK掩飾自己唔講粗口。」