糖妹獲贈言姻緣到　雪卵變招親「猛男」送上門

回復單身兩年多的歌手黃山怡（糖妹），自公開在台灣雪卵後，一度成為網民熱話。日前，她接受東網訪問時，指農曆年間陪父母返廣州探親，回港後亦出席了經理人公司團拜：「返嚟湊熱鬧，逗封大利是攞番個彩頭。」

糖妹至今還未有另一半，她早前花6位數字到台灣完成雪卵療程，她坦言視這舉動為「最爆代表作」之一。而雪卵短片在影視平台上架不久便逾10萬收看點擊，而另一意外收穫則是外界以為她心急嫁人，所以演變成「公開招親」，令好友黃美棋不停向她介紹筍盤，可惜她當時不在港，所以尚未開始「配對」。

問糖妹會否抗拒相睇？她直言可以接受，會視為認識新朋友。而最爆、最搞笑的是網上出現不少來歷不明的「應徵男友」，她表示：「好多自稱身高180cm以上嘅單身男私訊我經理人，話想做我男朋友，但我冇睇佢哋個樣就Delete咗，因為我怕係網騙，依家講出嚟笑吓就算。」

問到理想對象條件，她笑言最緊要對方夠忙，皆因自己本身也是工作狂，表示：「我忙佢又忙，咁就唔會互相埋怨，同埋會更珍惜一齊嘅時間。（要專業人士？）以前覺得生意人啱我，但依家唔重要，但唔好異地戀，雙方都會好攰。細個嗰陣我一定係揀靚仔，但依家唔使靚仔啦。（要富二代？）我將來都會有好錢。」她又呼籲外界毋須擔心其終身大事，已有玄學家贈言她今年姻緣到。

她強調雪卵不是恨有下一代，只是世界上沒有「後悔藥」，所以才為將來生育計劃買個保險，她覺得雪卵後也可以選擇不生育，揚言：「本身冇話特別鍾意小朋友，況且我係天秤座，想法成日會變。（將來咪冇人承繼你啲財產囉？）我唔介意回饋社會。」

場地：Mue Mue

東網網站 : https://on.cc/東網Facebook專頁 : https://www.facebook.com/onccnews/