周永恒背妻偷食斷正　港鐵車廂攬女旁若無人

藝人周永恒於2017年與趙頌茹離婚，被爆出軌還有家暴，遭網民封為「世紀賤男」。他隨即於2018年極速與內地老婆陳薇（Britni）奉子成婚，兒子跟他長得餅印一樣。不過周永恒2023年又再爆出家暴事件，更一度鬧上法庭，近年兩人甚少合體，婚姻關係撲朔迷離。

近日有網民在社交平台上大晒於港鐵車廂捕獲周永恒「偷食」，他當時與一名女士站在車廂中相擁，行為親暱，該網友透露已不止一次撞見周永恒，寫道：「周永恒食女真係有一手，究竟可以撞到佢幾多次？好似已經第5次，周潤發又唔見畀我撞到。」亦有網友指出曾幾次遇上周永恒，但每次都有不同女伴：「我喺天水圍都撞過幾次，都唔同女，佢真係有計。」

東網網站 : https://on.cc/東網Facebook專頁 : https://www.facebook.com/onccnews/