新聞女王｜炎明熹獻聲首出英文歌 查字典了解歌詞意思

佘詩曼、馬國明、李施嬅、高海寧等主演的台慶劇《新聞女王》後晚（20日）首播，無綫昨晚公開由炎明熹（Gigi）主唱的分半鐘片尾曲《Crystal Clear》MV。《Crystal Clear》是Gigi的第一首英文單曲，歌詞內容講述主角人在高處不勝寒，對身邊人甚至自己亦不甚了解，但只要用心聆聽心底聲音，最終還是能認清自己以及真相。

首次為台慶劇獻唱，而且是自己的首支英文單曲，Gigi十分期待外界反應︰「希望我聽到首歌時唔會覺得太尷尬﹗我唔常用英文，所以有逐個字查字典寫低意思，等自己可以了解歌詞得好啲。發音方面，我事前都有練習，逐個字練習點讀，練到覺得有效果先成句讀出嚟。」談到錄音過程，她笑言︰「我平時一係食完嘢唞一陣就錄音，一係就錄完音先食。嗰日我諗住錄完音先食嘢，但去到一半需要錄到powerful嘅部分時，我就真係冇辦法喇，話不如食啲嘢先，結果我食咗肉餅飯，食完之後真係有番啲力氣，否則係餓到郁唔到。」

陳山聰客串演出MV，片中的他肉緊地痛苦揮刀，手中還有一個洋娃娃，似乎飾演的並非普通角色。

（即時娛樂）