茱莉亞羅拔絲樣貌十年如一日　分享6大招Keep靚樣

由美國女星茱莉亞羅拔絲（Julia Roberts）主演的經典代表作《風月俏佳人》（Pretty Woman）最近在港限量重映，雖然影片已事隔35年，但茱莉亞依舊明艷照人！

已57歲的茱莉亞的容貌與身材仍然能夠保持十年如一日絕對並非僥倖，她是經過一番苦功才可以成為「荷里活終極美魔女」。茱莉亞多年來曾向傳媒分享過「不老神話」的秘訣。以下就是茱莉亞保青春的8大秘訣。

【一定要搽防曬】

茱莉亞愛曬太陽並與子女去海灘，她於2017年曾在訪問中表示：「作為一個有3位愛戶外活動有責任嘅家長，我完全會依賴好嘅防曬用品。」而她亦會選擇足夠UVB保護的SPF 30太陽油：「無論你幾大汗或浸喺水中幾耐，呢隻都有功效！」

【隻手keep住保濕】

好多人都會focus在面部護膚方面，但雙手亦有機會揭露年紀。茱莉亞深明此點，知道保濕雙手的重要性。她曾分享護手的要訣：「我每次洗完碗碟之後都會喺手度搽下保濕膏，平時亦會搽下手踭同對腳。」

【睡前洗面】

茱莉亞在好多訪問中都提到睡前洗面的重要性，其中她說過：「好多時候你晚上卸眼妝，而喺第2朝你起身會發覺仍然好似化咗妝！但我試過卸妝後再洗面可以整走每一吋嘅化妝。每晚都係咁做，真係好有效。」

【均衡飲食】

除了借助護膚品之外，當然亦要配合「均衡飲食」。茱莉亞亦是這樣「食得有腦」，她曾說過：「我同家人絕對嘗試小心飲食。我成日同仔女講：『你必須要食好嘅嘢才可得到好嘅嘢如健康。』」不過她亦承認節食對她來說是非常困難的事，所以她的最佳建議就是「保持冷靜、飲足夠的水、睡好覺以及保持心境開朗」。

【用梳打粉刷牙？】

笑容是茱莉亞的招牌，而fans經常都想知道她怎樣去保持一棚完美的牙齒？茱莉亞曾自爆一直有跟從祖父的秘訣就是：「我會用食用級小梳打粉（baking soda）嚟刷牙。我爺爺會喺牙刷上搽上一大堆（梳打粉）。佢成世人都只係蛀過一隻牙。」

【一小時「練」功】

茱莉亞身材亦保持十年如一日，雖然她是影壇大忙人，但仍然堅持每日花1小時1做運動keep弗。她曾透露會花20至40分鐘玩「踏板舞」 （Step aerobics），然後用餘下時間來做下掌上壓或深蹲等運動，而她亦會將這些訓練與游泳和跑步交替進行。

東網網站 : https://on.cc/東網Facebook專頁 : https://www.facebook.com/onccnews/