郭晉安做網球隊會長　帶波友發放正能量

藝人郭晉安擔任會長的「中國香港藝人網球聯盟」（A Team）近日正式宣布成立，A Team最初由鄭子誠、前網球港隊李思雅、洪永城與黃子桓共同發起，近期請來熱愛網球的郭晉安出任會長，望凝聚業內熱愛網球人士，透過網球促進交流與健康，並將與不同的慈善機構合作，舉辦以網球為主題的公益活動與慈善賽事，連結社會不同階層，開展公益活動，傳播關愛共融的正能量。

郭晉安去年尾離開效力逾30年的無綫後，多了時間做運動，特別是一直熱愛的網球運動，更因打波而成為網球隊會長，他說：「李思雅、洪永城、黃子恒、鄭子誠佢哋組織咗A Team，初頭我都係一齊去打波，後來佢哋問我可唔可以做會長，都有問做會長要做咩㗎，佢哋話好想有一隊網球隊，將一班志同道合鍾意網球嘅藝人，集合埋一齊打波，仲有一個好大使命可以一齊做慈善。曾經都去過江門、中山打比賽，最近亦都同單親小朋友一齊打波，好有意義，就係呢樣嘢感動咗我，反正依家多咗時間，以前一直冇時間做嘅嘢，好似網球、健身都需要時間去磨練，鍛煉好自己，做其他嘢都容易啲，唔會畀年齡限制想像。」

東網網站 : https://on.cc/東網Facebook專頁 : https://www.facebook.com/onccnews/