連詩雅做人妻收晒火　黃浩然任老婆發洩怒氣

藝人連詩雅（Shiga）與黃浩然相識多年，二人於音樂劇《三·八》合作演夫婦，曾演過舞台劇的Shiga，笑指那已是遠古歷史，加上今次是音樂劇，是很不同的體驗。至於浩然則表示自己是零經驗：「舞台劇、唱歌、跳舞都冇經驗。」他坦言現場演出有很多變數，跟拍劇完全不同，感謝團隊於事前設立工作坊，令大家更容易進入狀態。

談到劇中Shiga要面對一個「大細路」的老公，她笑言現實中每一位男士包括老公陳家樂也會有這一面：「不論咩年紀，去到某啲位，同一班兄弟走埋一齊玩就會變到小朋友咁。」她指老公性格若喜愛上一件事便會很熱衷，例如對足球、演戲等，會像小朋友一樣：「會睇到佢團火好大，好似個年輕人一樣，不過我覺得自從生咗女之後佢係有轉變嘅，始終佢要照顧多一個小生命，你做乜都會影響到小朋友。（但老公啱啱成立隊足球隊。）其實我好欣賞佢咁熱血，講真人越大你可能對好多事情會麻木，但我老公唔係，我都有去睇佢哋踢波，落住雨都照踢，好熱血，所以我係欣賞嘅。」

浩然亦表示認同，認為作為演員必需要有一顆童心：「如果唔係你好難做落去，童心意思係譬如我好鍾意探求一啲新事物，或者一啲新嘗試，咁你先可以繼續走你嘅演藝，今次演出有唱歌、有跳舞、有舞台劇，就是你全部都未接觸過，如果我冇呢個童心、去玩嘅心，我就根本應付唔到，變咗受苦。」

談到夫妻相處之道，與太太結婚20年的浩然認為懂得取捨很重要，，笑指婚前收工會約朋友去玩，但現在會將時間留給家人。談到生活上難免有摩擦，他笑謂：「依家大錯我應該唔會，哈哈！其實大家相處好多時會『老奉』咗，冇咗感恩就好容易出問題。」Shiga亦認同要有感恩之心，雖然跟老公結婚只有2年仍處於蜜月期，但時刻會提醒自己要感恩：「老公揸車接我放工，我會同佢講辛苦你啦，我煮飯畀佢食，佢會話辛苦你啦老婆。」

Shiga又表示拍拖時，兩人吵起架來會可以很激烈，婚後雖然少了很多，但若果真的吵架老公是那種要立即面對面解決的人，但自己是需要立即離開冷靜的人：「我會同佢講你畀我冷靜吓。」笑指曾試過隔住房門互傳短訊去解決糾紛。浩然表示自己亦是要立即解決的人，但方式有點不同，會選擇不反駁，讓老婆將怒氣發洩出來：「因為通常都係我唔啱，冇得駁，領嘢心虛就自然冇嘢講，哈哈！」

黃浩然

髮型：DY；化妝：Terence C.

連詩雅

髮型：kateshek @artifylab

服裝：bonbom & tonywhack @lanecrawford

東網網站 : https://on.cc/東網Facebook專頁 : https://www.facebook.com/onccnews/