奇情谷｜吳若希最想查「老公有冇偷食」 全女班偵探放蛇易人妻會情夫閨密做掩護

由導演火火、吳若希（Jinny）及曾展望（GM）主持的《奇情谷》，昨晚（28日）主題為「全女班私家偵探」，請來2位女私家偵探文顯楠（Philic）及Ceci擔任嘉賓。

文顯楠10年前創辦全港唯一一間全女班偵探社，仿如真人版《神探俏嬌娃》。Philic解釋女偵探的好處，是觀察力強且細心，看上去人畜無害，容易放下戒心，放蛇能力強。

Philic笑言做偵探經常要上天下海，試過查出軌的同事，變相「環遊世界」。她提到一單丈夫懷疑太太出軌的個案︰「求助嘅先生話太太聲稱同一班閨密旅行，佢想知道實際情形。」跟蹤一開始便出現轉折，太太竟由香港轉到深圳坐飛機，她補充說︰「即時要聯絡內地同事安排，太太真係去咗麗江一帶會合閨密玩。」

調查持續一切顯得正常，唯一奇怪是太太經常打電話及傳信息，查證後對象並非對方丈夫。直到有日一名男子到場，事件才水落石出。該男子確實為太太出軌對象，閨密不單知情且擔任掩護。

之後2人離開，改坐遊船到日本，其間2人同房且表現親暱，文顯楠最後成功交差，她笑言︰「所有開支實報實銷，你哋以為班同事遊埠好開心，佢哋24小時候命，因為唔知幾時有突發嘢發生。」

GM在「有料報」環節提到有位23歲男士發文，分享拍拖2年女友近日爆喊，並向男士提出荒謬要求表示「可唔可以同我孖生妹妹上牀」。GM解釋事緣細孖被渣男狠飛後情緒崩潰，大孖想到「以性療傷」，他說︰「事主當堂嚇一跳，同女友講話『考慮下』，轉頭就避到九丈遠。」

GM透露事主一直當細孖為妹妹，女友卻想將男事主變成「共享男友」。事情在網上引來熱討，網民一致裁定「呢個桃花劫，速逃！」GM坦言對正常男士來說奉旨出軌，無疑「幸福」，但不會接受，他解釋說︰「有享受韋小寶待遇喎，不過我係唔會嘅。」

昨晚「有獎遊戲」問題，再度挑戰Jinny的EQ，問題為「最想查佢老公乜嘢？」有4個答案選擇分別為︰A.有冇偷食、B.奶奶定自己重要、C.私己錢、 D.件衫幾耐冇洗。

Jinny的反應亦交足戲，先是很大聲「嘩」了一聲，最後給出提示說︰「對於我嚟講，最鍾意睇下人哋之前『食』咗啲咩嘅……答案都好明顯啦。」Jinny跟老公何兆鴻這對歡喜冤家，經常帶來驚喜。

（即時娛樂）