聖誕遊客區食肆「拍烏蠅」　生意跌近半　紀念品店：一啲人流都無

港人外遊、北上潮持續，加上社會仍未完全走出災難陰霾，今年聖誕氣氛較以往淡薄。東網記者今午(25日)到尖沙咀一帶視察，只見不少餐廳、食肆即使到午飯時間仍門可羅雀，只得一、兩枱客人，而平時較多遊客光顧的紀念品店，亦較為冷清。有餐廳人員就大呻生意較去年大跌近半；有店員嘆謂「有幾可平安夜後，個地下咁乾淨㗎」，認為今年節日氣氛不如以往；有紀念品店老闆就形容今年香港「多災多難」，坦言現時收入僅僅「夠交租、無人工」。

燒味店店員曾女士認為，今年聖誕氣氛不如以往，街上人流亦明顯減少，生意較去年大跌約一半，「預咗好多貨都去唔到」。而粉麵店店員羅先生就指，原本預計聖誕節會比平日有更多客人，惟目前生意相當淡靜，甚至與平日差不多，估計生意起碼與以往差數成。談及原因，他就說，「其實你地睇吓個地下都知啦，香港有幾可平安夜過後個地下咁乾淨㗎，(以往)花紙個啲周街都係啦」，認為目前香港整體氣氛、市道亦不好。

經營紀念品店的黃女士形容今年香港「多災多難」，「乜氣氛都無」。她於數月前開店，原本預計聖誕會有較多人流，但卻「同平時無分別，一啲人流都無」，加上區內愈來愈多手信店，目前只能「維到皮」，「做嚟啱啱夠交租、無人工」，希望政府加強宣傳，吸引更多旅客。

泰國餐廳員工鍾先生就表示店內的生意「起碼都跌兩成」。雖然餐廳位於遊客區，但不論旅客或本地客的人流，亦明顯較去年減少。他又指，「以往聖誕節普天同慶，(客人)使錢亦會豪爽啲，食聖誕大餐千零兩千蚊」，而現時則會「使錢擏住擏住」，「一對情侶食嘢，嗌一個麵一齊食」。不過他亦坦言，近年市道較差，市民消費模式改變、出現北上潮亦是無辦法，直言「我要返工姐，如果放假我都返咗大陸」。

東網網站 : https://on.cc/東網Facebook專頁 : https://www.facebook.com/onccnews/