2023年費明奴射入晏菲路最後一個入球

利物浦主場1:1打和阿士東維拉

今場比賽係費明奴最後一次為利物浦係晏菲路球場比賽，結果呢位巴西🇧🇷前鋒以一個入波完成自己係晏菲路告別戰☺️

費明奴接受球隊官方訪問就話「當初嚟到利物浦嗰陣，呢度嘅天氣、足球同埋所有野都係唔容易適應。如果無我嘅隊友、屋企人、教練，我係無辦法做到所有野。我會為呢段歷史，為我哋一齊得到嘅成就而覺得好自豪😎。」

呢位巴西🇧🇷前鋒又話「我能夠係今場比賽入波真係令我好激動，但可惜嘅係我哋贏唔到今場比賽，呢樣唔係球迷想要嘅結果🥲。」

費明奴最後就話「不過係球迷、屋企人、朋友、每個人陪我一齊情況下完成最後一場比賽令我覺得好激動同開心，特別係射入自己最後一個主場入波。我著住呢件波衫同埋係呢間大球會，我真係好開心😊。」

▼ Follow Football.jai 足球仔

運動