哥迪奧拿：我鍾意迪布尼動作，我哋成日都互相大嗌，況且今次都唔係第一次，大家之前未睇過炸，

曼城教練哥迪奧拿出席賽前記者會就話「我哋對於殺入歐聯決賽覺得滿意，而我哋係星期日要贏到最重要比賽，因為我哋真係好好彩，有機會係主場同我哋一班球迷一齊捧起獎盃，我哋一定好好把握呢個機會😎。」

呢位西班牙🇪🇸教練又話「我哋唔可以否認今季歐聯四強對手係呢個比賽最好球隊，佢哋係呢13年11次殺入四強，能夠贏到佢哋可以帶比我哋信心，亦都令我哋覺得榮幸。我哋覺得自己強大，而我對成班球員充滿信心☺️。」

最後講到同比利時🇧🇪中場迪布尼係歐聯比賽發生爭執，哥迪奧拿就話「我鍾意迪布尼動作，我哋成日都互相大嗌，況且今次都唔係第一次，大家之前未睇過炸，因為迪布尼之前係訓練入面都對我大嗌過，而呢樣野都係我哋兩個相處之道。而我哋一定知道點樣控制比賽，我覺得球隊有能力做到，呢樣都可以説明球隊有一定競爭力🙂。」