陳豪上內地綜藝爆真話　「第一次」同陳茵媺原來喺車入面...

繼吳卓羲率領視帝王浩信、郭晉安、歐陽震華、林曉峰及高鈞賢組成「TVB港劇男團」現身內地直播綜藝節目《今晚好犀利》後，陳豪與陳茵媺齊齊亮相節目大玩遊戲，陳茵媺更扭腰跳舞唱歌。

陳豪與陳茵媺夫妻檔亮相《今》，兩人穿上淺藍色情侶裝，陳豪在節目中自我介紹：「大家好，我係陳豪，我負責搵錢養家！」而老婆陳茵媺就搞笑指：「我負責搞到成個家笑哈哈！」兩人更派心大晒恩愛。

在另一環節，陳豪與陳茵媺，跟蕭正楠與黃翠如玩夫妻默契大考驗。問到誰管錢時時，雙陳都表示是共同管理，而阿蕭和翠如都答是由女方管。陳茵媺表示共同管錢是因為彼此每一次都會商量，吳卓羲即話：「商量你管？」陳茵媺說：「商量點使！」吳卓羲再話：「啲錢都係你使啦！」搞到陳茵媺好尷尬，只答：「係一齊使！」吳卓羲即笑：「我都係睇新聞咁講！」至於黃翠如就霸氣說：「我管，我叫全管如！」

至於另一條問題問他們第一次Kiss是誰主動，大家答案都答男，吳卓羲又多口問陳豪：「點錫？試嚟睇睇！」陳豪即呆了半秒然後扮抹嘴，又大爆：「第一個場口在車中！」至於阿蕭就爆第一次如何錫翠如：「雙隻手揸住佢塊面，就咀落去！」

東網網站 : https://on.cc/東網Facebook專頁 : https://www.facebook.com/onccnews/